Ummæli við

Ummæli við Blogg og þus – tillaga um málbætur eftir Andri Thorstensen

Andri Thorstensen — Sun, 13 Dec 2009 16:18:57 +0000

Gallinn við þetta orð, „þus“, er að það er ákaflega gildishlaðið og á því í reynd aðeins við um tiltekna tegund af bloggi. Þessi tegund er því miður sú lang algengasta á Íslandi, þ.e. skrifaðir án mikillar umhugsunar og snúast meira um hvað fólki finnst heldur en hvað það veit og sé markvert.

En einstaka sinnum, of sjaldan þó, gerist það að fólk skrifi pistla á bloggið sitt sem eru vel ígrundaðir og bæta einhverju við umræðuna. Gott ef þeir geta ekki meira að segja verið hnyttnir!

En jújú, þus á svosem ágætlega vel við stærstan hluta af bloggi í dag. En það má spyrja hvort það hjálpi að viðurkenna orðinn hlut með því að skella svona gildishlöðnu orði á fyrirbærið eða hvort við ættum frekar að nota fallegra og jákvæðara orð sem gæti jafnvel hvatt fólk til að vanda sig aðeins við þusið sitt?

En ein spurning til sálfræðingsins; er allt þetta þus hollt fyrir fólk?

Ummæli við Blogg og þus – tillaga um málbætur eftir Gísli Ásgeirsson

Gísli Ásgeirsson — Sun, 13 Dec 2009 13:00:41 +0000

Blogg er ágætt orð og má ekki fá jafn neikvæða merkingu og hér er reynt að klína á það. Þar veldur hver á heldur.

Blog er enn betra, rímar við flog og hentar latmæltum sunnlendingum prýðilega.
Að vísu fá sumir blogaveiki en hún er ekki banvæn

Ummæli við Blogg og þus – tillaga um málbætur eftir Eyrún

Eyrún — Sun, 13 Dec 2009 12:38:27 +0000

Mér finnst blogg vera vel heppnað tökuorð og óþarfi að úthýsa því, enda er það ekki hægt. Orðum sem smella svona vel inn í íslenskuna verður ekki útrýmt.

Ummæli við Blogg og þus – tillaga um málbætur eftir Jóna Ingibjörg Jónsdóttir

Jóna Ingibjörg Jónsdóttir — Sun, 13 Dec 2009 12:27:45 +0000

Sjálfsagt að velt mögulegum nýyrðum fyrir sér en ég er hrædd um að bloggið hafi fest sig í sessi.

Þus er gott orð yfir blogg, líka tuð, bauna (út úr sér), blaður. Mest allt blogg er tómt blaður. En líkast til of neikvætt orð.

Hann rauk í tölvuna og baunaði (bloggaði).

Hún skrifaði ekki baun (blogg) í dag.

Eyjan er troðfull af misgóðu bauni.

Og fyrst ég er að þessu: er ekki buna líka bara prýðilegt?

Margir eru að buna um þessar mundir. Viðskiptabun, tískubun, stjórnmálabun.

Æ og ó, og þó, veit það ekki. En það má leika sér, bestu orðin koma stundum þegar ekki er verið að hugsa of stíft um að finna eitthvað gott.

Mala, drita, rissa?

Held ég hætti!

Ummæli við Blogg og þus – tillaga um málbætur eftir Hilmar Þór

Hilmar Þór — Sun, 13 Dec 2009 11:30:02 +0000

Mér hedfur fundist orðið “gogg” eiga vel við um bloggið.

Maður goggar aðeins í málin, en fer ekki til botns.

“þus” hefur yfir sér nöldurslegt yfirbragæ.

Hættu nú þessu þusi maður og goggaðu heldur aðeins í málið.